A aplicación das máis modernas tecnoloxías de análise xenética ou farmacéutica requiren, ademais dos equipos necesarios, un coñecemento experto para a interpretación adecuada dos resultados obtidos.
Igualmente, para o deseño e a valoración da oportunidade da realización destes estudos, antes de iniciar o proceso é imprescindible ter un adecuado coñecemento xeral do campo e específico das capacidades, limitacións e alternativas en cada caso.
Unha parte dos recursos da fundación dedícanse a proxectos para o desenvolvemento e mellora de tecnoloxías postas ao servizo de todas as áreas e da comunidade científica.
O Grupo de Medicina Xenómica ofrece servizos de consultoría e asesoramento nas diversas áreas de actividade nas que opera a través de equipos multidisciplinarios de científicos profesionais con longa experiencia e recoñecida reputación e liderado.
Servizos de excelencia para investigadores e profesionais sanitarios e biotecnolóxicos. Coñeza as nosas áreas, contacte coa persoa responsable da área do seu interese e informarao de todas as posibilidades:
